Iti umay nga eleksyon nu Mayo 2016, agpili tayo manen kadagiti agtugaw iti nadumaduma a posisyon iti nasyonal ken lokal a lehislatura – Senado, Konggreso, Bise-Gubernador, Sangguniang Panlalawigan, Bise-Mayor, ken Sangguniang Bayan. Gundawayan tayo kas gardineros ti kampanya tapno ikiddaw kadagiti kandidato a nu addadanto iti poder, agaramid da kadagiti linteg ken pagannurotan a mangpalag-an iti rigat tayo a gardinero ditoy kanatengan ti Kordilyera.

cabbage.jpg

Aramiden kuma dagiti mangabak iti umay nga eleksyon dagiti sumaganad:

1. Agipakat ti price subsidy mechanism. Babaen iti daytoy, mabalin a makibiang ti gubyerno iti merkado ti nateng tapno maisigurado ti kumpetetibo ngem nainkalintegan a panagpresyo.  Nu saan a mabaelan ti gubyerno daytoy, dagiti sumaganad ti alternatibo.

kumboy Balili ed

2. Protektaran ti lokal nga industriya ti nateng laban iti bangking a kumpetisyon manipud kadagiti subsidiado a prodyuser ken eksporter iti ASEAN ken iti free-trade partners na. Suroten ti ehemplo ti dadduma a nasyon iti ASEAN: ipalista dagiti nateng kas maprotektaran a produkto.  Iti kasta, saan a dagus a maikkat dagiti buwis iti importasyon ti kapada dagitoy a produkto.  Napipia pay nu iparit nga interamente ti panangimport.

Kabayan field and houses.JPG

3. Agidatag ti floor price para iti tunggal klase ti nateng, ket ipatungpal dagitoy iti amin a mayor a sentro ti pagtagilakuan. Rumbeng a dagiti floor price ket saan a nababbaba ngem ti kadawyan a production cost ken gastos tayo iti panangibiahe, panangilako, ken panangimpake tapno maibiahe manen. Rumbeng a mainayon iti panagkuenta ti production cost ti kadawyan a gastos tayo iti bin-i, abono, ken pestesidyo, interes a mabayadan iti panagutang kadagitoy,  gastos iti panangibiahe kadagitoy nga input, ken balor ti pigsa ken bannog a napan iti produksyon, naggapu man dagitoy iti uneg wenno ruar ti pamilya.  Rumbeng a ti balor ti pigsattegged ket maibasar iti madama a gasgastosen ti gagangay a pamilya iti kada aldaw a panagbiag (a, segun iti panagkuenta ti Department of Labor and Employment, iti agdama ket saan a bumaba iti P500).

 

4. Bantayan ken kontrolen ti presyo dagiti input, agraman ti presyo ti rugit ti manok.

5. Iyagad ken padur-asen ti organiko nga agrikultura babaen ti panangited ti subsidyo para kadagiti gastos ken lugi a sigurado a sagrapen tayo iti proseso ti panagsukat tayo iti wagas ti produksyon. Kasta met nga agipakat ti price subsidy para kadagiti organiko a nateng tapno mabalinan ti naruay a masa a gatangen dagitoy.

6. Agipakat ti crop insurance system a makatulong kadatayo in kaso bumagsak ti merkado wenno umay ti dakkel a didigra gapu iti panagbaliw ti klima.

7. Sukimaten ti kasasaad ti amin a farm-to-market a kalsada ken rangtay, ket itudo ken iyaramid nu ania dagiti masapul a tarimaan wenno papintasen tapno maisigurado ti nalaklaka a panangibiahe kadagiti input ken produkto.

 

For reference:

 

Alyansa dagiti Pesante itiTaeng Kordilyera

No. 16, Loro St. Dizon Subdivision, Baguio City

 

 

Advertisements